அஸ்ஸலாமு அலைக்கும் வரஹ்...
உண்மை தவ்ஹீதின் உரைவிடம் தமிழ்நாடு முஸ்லிம் முன்னேற்றக் கழகம் என்று சமுதாய உணர்வுள்ள அனைவரும் அறிவர்.
உத்தம திருநபி வழியில் மார்கம், சமூகப்பணி மற்றும் அரசியில் உள்ளிட்ட இஸ்லாமிய நெறிகளை செவ்வனே செய்துவரும் தமுமுக, தன் நிர்வாகிகளுக்கு அவ்வப்போது தர்பியா பயிற்சியும் அளித்து வருகிறது.
இதன் ஒரு பகுதியாக சவூதி ஆரேபியா கிழக்கு மண்டல தமுமுகவின் ஒருநாள் தர்பியா முகாம் 1-3-2013ல் தம்மாமில் நடைபெற்றது காலை சுமார் 9 மணிக்கு ஆரம்பித்த முகாம் மாலை 5மணிக்கு முடிக்கப்பட்டது.
இப்பயிற்சி முகாமில் ஒழுக்கம் பயிற்சி, நிர்வாகப் பயிற்சி, பேச்சுப் பயிற்சி, துவா மனனம் போன்ற உயரிய பயிற்சிகள் அளிக்கப்பட்டன.
இந்த ஒரு நாள் தர்பியா முகாமை மமக மாநிலத் துணைத்தலைவர் சகோ.ஷஃபியுல்லா கான் தலைமையில் கிழக்கு மண்டல தமுமுகவின் தர்பியா குழுத் தலைவர் சகோ.ஜக்கரியா வழிநடத்தினார். நிர்வாகப் பயிற்சியை மண்டலத் துணைத்தலைவர் சகோ.இஸ்மாயிலும் மற்றும் பேச்சுப்பயிற்சியை மமக மண்டல செயலாளர் சகோ.அப்துல் அலிமும் மற்றும் இறைவனின் பொருத்தத்திற்குறிய சமுதாயப்பணியை மண்டலத் துணைத்தலைவர் மௌலவி.அலாவுதீன் பாகவியும் தெளிவாக பயிற்சி கொடுத்தனர்;.
சதக்காவின் சிறப்புகள் என்ற தலைப்பில் தர்பியா குழுத் தலைவர் சகோ.ஜக்கரியா அவர்கள் மிகச்சிறப்பாக ஜூம்மா உரை நிகழ்தினார்.
இப்பயிற்சி முகாமில் கலந்து கொண்ட அனைவருக்கும் சிறிய துவாக்கள் மனனம் செய்யும் பயிற்சியும் அளிக்கப்பட்டது. இறுதியில் மண்டலப் பொருளாளர் கவிக்கோ சகோ.நசுருதீன் அவர்களின் நன்றி உரையுடன்அல்லாஹ்வின் கிருபையால் நிகழ்ச்சி இனிதே நிறைவுற்றது.
முகவை சீனி முஹம்மது
