வாழ்த்துக்கள்! ::::::தமுமுக தலைவரின் வாழ்த்து செய்தி:::::

வாழ்த்துக்கள்! :::::: தமுமுக தலைவரின் வாழ்த்து செய்தி:::::

பெறுநர்
தமுமுக நிர்வாகிகள்
சவூதி அல் கோபர் மண்டலம்

அன்புடையீர், அஸ்ஸலாமு அலைக்கும் (வரஹ்...)

நலம். நலம் பல விளைக!

சவூதி அல் கோபர் வாழ் தமுமுக சகோதரர்களை இக்கடிதம் மூலம் தொடர்பு கொள்வதில் பெருமகிழ்வடைகிறேன்.

சமீப காலங்களாக உங்களது மண்டலம் சார்பான மார்க்கப் பணிகளும், சமுதாயப் பணிகளும், அவற்றிற்காக மக்களைத் திரட்டும் உங்களது வேகமும் வியக்க வைக்கிறது.

குடும்பத்திற்காக, குடும்பத்தைப் பிரிந்து சென்று வாழும் நீங்கள், சொந்த மண்ணில் வாழும் அனைத்துக் குடும்பங்களுக்காக கவலைப்பட்டுக் கொண்டிருப்பது, அதற்காக ஆக்கப்பூர்வமாக உழைப்பது, எங்களை உற்சாகப்படுத்துகிறது. நாங்கள் உங்களது பொறுப்பாளர்களாக அதிக அக்கறையுடன் இங்கு செயல்படவும் எங்களைத் தூண்டுகிறது.

வல்ல இறைவன் உங்களது செயல்களை அங்கீகரித்து உங்களது நோக்கங்களை வெற்றியடையச் செய்வானாக! சமுதாய நலம் நாடும் நற்பணிகளில் நம்மை ஒருங்கிணைத்து வீரியமுடன் செயல்படச் செய்வானாக!

ஒவ்வொரு கழக உறுப்பினருக்கும், நிர்வாகிகளுக்கும் எனது வாழ்த்துக்களையும், துஆக்களையும் தெரிவிக்க வேண்டுமென பணிவுடன் கேட்டுக் கொள்கிறேன்.

வரும் தியாகத் திருநாள் (ஈதுல் அள்ஹா) மகிழ்வுடன் அமையவும், தியாகத்தின் அடையாளமான குர்பானியை அனைத்து குடும்பத்தினரும் கொடுக்கவும் இப்போதிருந்தே முயல வேண்டும் என அன்புடன் கேட்டுக் கொள்கிறேன்.

வாழ்த்துக்களுடன்,

(ஜே.எஸ்.ரிபாயீ)

Js Rifayee