தமுமுகவின் மூத்த தலைவர் கண்ணியமிகு பேராசிரியர்,டாக்டர் எம்.ஹெச். ஜவாஹிருல்லாஹ் அவர்கள் இன்று 05-06-2013 அன்று புதுச்சேரி வருகை

ஏகஇறைவனின் திருப்பெயரால்...அஸ்ஸலாமு அலைக்கும்.

தமுமுகவின் மூத்த தலைவர் கண்ணியமிகு பேராசிரியர்,டாக்டர் எம்.ஹெச். ஜவாஹிருல்லாஹ் அவர்கள் இன்று 05-06-2013 அன்று புதுச்சேரி வருகை புரிந்தார்கள். 

தமுமுக ம.ம.க நிர்வாகிகளை சந்தித்த பேராசிரியர் புதுச்சேரி மாநில முதல்வர் ரெங்கசாமி அவர்களை நேரில் சந்தித்து புதுவையில் முஸ்லிம்களின் கோரிக்கைகளை நிறைவேற்ற வலியுறுத்தி கடிதம் அளித்தார். 

புதுவை மாநில முஸ்லிம்களின் பிரதான கோரிக்கையான தனி இட ஒதுக்கீடு கோரியும் மனுவிலும், நேரிலும் வலியுறுத்தப்பட்டது. பின்னர் பேராசிரியர். டாக்டர் எம்.ஹெச். ஜவாஹிருல்லாஹ் அவர்கள் செய்தியாளர்களை சந்தித்து பேட்டியும் அளித்தார்கள். 

--
முஸ்லிம் பெண்கள் விவாகரத்து குறித்து தொடரப்பட்ட வழக்கு குறித்து திரு. எம்.எச். ஜவாஹிருல்லா அவர்களின் கருத்து!

தலாக் கூறி முஸ்லிம் பெண்கள் விவாகரத்து செய்யப்படுவதற்கு சான்றிதழ் தரும் அதிகாரம் காஜிக்களுக்கு இல்லை என்று நீதிமன்றம் அறிவிக்கக் கோரி சென்னை திருவல்லிக்கேணி தொகுதியின் முன்னாள் சட்டமன்ற உறுப்பினரும், வழக்குரைஞருமான பதர் சயீத் உயர்நீதிமன்றத்தில் வழக்கு தொடர்ந்துள்ளார்.

இதுகுறித்து மனிதநேய மக்கள் கட்சியின் மூத்த தலைவரும், சட்டமன்ற உறுப்பிருமான எம்.எச்.ஜவாஹிருல்லா அவர்கள் இன்று (5.6.2013) புதுச்சேரியில் செய்தியாளர்களிடம் கூறியது:

‘திருவல்லிக்கேணி முன்னாள் சட்டமன்ற உறுப்பினர் பதர் சயீத் முஸ்லிம் பெண்கள் விவாகரத்து குறித்து சென்னை உயர்நீதிமன்றத்தில் வழக்கு ஒன்றை தொடுத்துள்ளார். 

அது முற்றிலும் தவறான வழக்கு. மலிவான விளம்பரத்திற்காக இந்த வழக்கை அவர் தொடுத்துள்ளார். முஸ்லிம் பெண்களுக்கும், ஆண்களுக்கும் கருத்து வேறுபாடு வந்தால் அதனை பள்ளிவாசல்களில் உள்ள இமாம்கள் பேசித் தீர்ப்பார்கள். 

அவர்களுக்குள் உள்ள பிரச்சனையை தீர்த்து சேர்த்து வைக்க முயல்வார்கள். அதில் அவர்கள் சமரசம் அடையவில்லை என்றால் அவர்களுக்கு காஜிக்கள் விவாகரத்து அளிப்பார்கள். 

இதுகாலம் காலமாக முஸ்லிம் சமுதாயத்தில் இருந்து வரும் வழக்கம். இதை மாற்றும் அதிகாரம் யாருக்கும் இல்லை. மேலும் இது முஸ்லிம் சட்டத்திற்கும் விரோதமானது. 

இதனை மாற்றினால் தேவையில்லாமல் முஸ்லிம் பெண்களுக்குப் பிரச்சனை ஏற்படும். இந்த வழக்கில் முஸ்லிம்களின் கருத்தை அறிய வேண்டும். 

இதுகுறித்து முஸ்லிம்களின் உச்சபட்ச அமைப்பான முஸ்லிம் தனிநபர் சட்ட வாரியத்திற்கு தகவல் அளித்து, இவ்வழக்கில் ஒரு வாதியாக சேர்ந்து எங்களது கருத்தைத் தெரிவிப்போம். இந்த வழக்கைத் தள்ளுபடி செய்ய அனைத்து வகையிலும் முயற்சி எடுப்போம்’ என்று கூறினார்.

- நன்றி புதுவை சுகுமாரன்

~~~~~~~~~~~~~~~~~~~~~

ஒன்று பட்ட சமுதாயமாக வாழ நம் அனைவருக்கும்

அந்த வல்ல இறைவன் அருள் புரியட்டும்.ஆமீன்!

~~~~~~~~~~~~~~~~~~~~~ 

رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا

எங்கள் இறைவனே!.. .. நீ உன்னிடமிருந்து 
எமக்கு அருளை வழங்கி, எமது காரியத்தில் 
நேர்வழியை எமக்கு எளிதாக்கி 
தந்தருள்வாயாக!  அல்குர்ஆன்:18:10

~~~~~~~~~~~~~~~~~~~~~~

~~~~~~~~~~~~~~~~~

"T M M K" AL-KHOBAR. K.S.A~~~~~~~~~~~~~~~~~
visit : www.tmmk.info
www.tmmk-ksa.com
Join: facebook.com/tmmk.khobar

http://tmmkal-khobar.blogspot.com/

~~~~~~~~~~~~~~~~~~~~~~~~~~~~~~~~~~~~~~

இறையோனின் ஆணைகளை.. இதயத்தில் ஏற்றிடுவோம்! 

இறைத் தூதர் போதனையை..இகம் எங்கும் பரப்பிடுவோம்!

நாம் அனைவரும் சொர்க்கம் புகம்படி வாழ்ந்து கட்டுவோம்!

~~~~~~~~~~~~~~~~~~~~~~~~~~~~~~~~~~~~~~